Mujhe ab farq nahin parta, december ke beet janey ka,

Mujhe ab farq nahin parta, december ke beet janey ka,
Udaasi meri fitrat hai, isey mausam se kya matlab...!!!

Raat chupke se december ne yeh sargoshi ki,

Raat chupke se december ne yeh sargoshi ki,
Phir se ik bar rulaa doon tujhe jatey jatey...!!!

Usay Kehna K Lout Aao December Lout Aya Hai....

Usay Kehna K Lout Aao December Lout Aya Hai....
Ik Baar To Mil Jao K December Lout Aya Hai.....
Usay Kehna K Bin Tere Bohat Raatain Guzari Hain...
Is To Milne Aa Jao December Lout Aya Hai.......
Usay Kehna Judai Se Mahabbat Kam Nahi Hoti....
Yeh Duniya Ko Batla Jao December Lout Aya Hai.....
Usay Kehna K Chahat Ka Bharam Na Tootne Dena...
K Pal Do Pal Hi Aa Jao December Lout Aya Hai.....
Usay Kehna K Tanha Hai Koi Ab Bhi...
Yeh Tanhai Mita Jao December Lout Aya Hai....!!!!!

December k dinon mein tum Ne

December k dinon mein tum Ne
Mujh se yeh kaha tha na

K tanha hun magar phir bhi
Tumhara sath mein doon gi

Apnay hath aankhon par meri
Rakh ker kaha tha na

Bhari duniya se takra k
Tumhara sath mein doon gi

Mujhe aaghosh mein le ker
Yeh aksar mujh se kehti thi

Koi mushkil jo aye gi
Tumhara sath mein doon gi

Na badlon gi kabhi jesay
Mosam yeh badalte hain

Badalte mosmon mein bhi
Tumhara sath mein doon gi

Tumhari inhi baton se
Bohat majboor Ho ker mein

Sab k samne tum se
Yeh kehna chahta hun

Tumhare ehad-o-paiman se
To yeh mosam he achay hain

DECEMBER

DECEMBER Aaj Bhi Apnay Assa'sy Sath Laya Hay,
Wohi Tewar,
Wohi Afsurdgi,
Aur
Sard Sa Lehja..!!

Teri yadon ki rawani or ye december

Teri yadon ki rawani or 

ye december

Meri batein , teri kahani or 

ye december

Mera hath tera sath , lambi sarak or ye

December

Gum sum shaamain , sunehri raatain or ye

 December

Bheigy din , madham suraj , halky badal or ye

December

Behti nadiya , gaatay panchi , urti dhund or ye

December

Tanha me , tanha chand , mera kamra or yeh

December

Meri ankhein , mere aansu , meri neend , tere 

khawab or ye 

December.

Tum ko Kaisi Lagti Hai, Chandni December ki !

Raat Uss ne Poocha tha:
Tum ko Kaisi Lagti Hai
Chandni December ki !
Main ne Kehna Chaha Tha:
Saal-o-Maah ke Baarey mein
Guftagu ke Kya Maani ?
Chahey koi Manzir ho
Dasht ho , Sumnadar ho
June ho , December ho
Dharkanoo’n ka Har Naghma
Manzaroo’n pe Bhaari hai
Saath Jab Tumhara Ho
Dil ko Ik Sahara ho
Aisa Lagta hai, jaise
Ik Nasha sa Taari hai
Lakin Uss ki Qurbat mein
Kuch Nahi Kaha Main ne
Takti Reh gayi Mujh ko

Humare haal pe roya December

Humare haal pe roya December
Wo dekho toot k barsa December

Guzar jata hai sara saal youn tou
Nahi kat’ta magar tanha December

Bhala barish se kia sairaab hoga
Tumhare wasal ka piyasa December

Wo kab bichra, nahi ab yaad lekin
Bas itna ilm hai ke tha December

Youn palken bheegti rehti hain aise
Meri aankhon main aa thehra December

Jama poonji yehi hai umar bhar ki
Meri tanhai aur mera December

Ek baar to milne chaly aao December jany wala hy

Ek baar to milne chaly aao December jany wala hy
Kesa guzra hy ye sal batao December jany wala hy

Khush ho jao k milne ka saal aa raha hy phir
Wasi youn na ansu bahao December jany wala hy

Shahid ab k baras bhi wo Loat kar na aye
Tanhaiyo k abi chor k na jao December jany wala hy

Ye kia k raat din uski yaad mein doobay rehna
Na Gham ki barish me nahao December jany wala hy

Ay mere Dukhon k sathiyo khush ho jao
Apny apny Gharon ko sajao December jany wala hy

Kia pata phir DECEMBER aye na aye Jan-e-Wasi
Meri mano ab tm loat ao December jany wala hy.

Koi jazba adhoora reh geya hai,

Koi jazba adhoora reh geya hai,
December aansu’on mein beh geya hai,

Yeh dil khamosh ho kar reh geya hai,
Najane aaj woh kya keh geya hai,

Yeh aannkhain hain hamari kitni gehri,
Samundar mein samundar beh geya hai,

Tumhare sath wabasta tha sab kuch,
Siwaye yaad ke kya reh geya hai,

Palat kar dekhne per hum ne jana,
Dil-e-nadaan kya kya seh geya hai,

Bohat bheerr hai bazaron mein lekin,
Tera Arshad akela reh geya hai..

Tum Laut ao na!

Suno!
Tum Laut ao na!
December laut aaya hay
Tumhare laut aanay ki
Nai ummeed jaagi hay..

Abhi pichhlay baras tum nay
Mere seenay pe sar rakh kar
Haya say munh chupaaya tha


Abhi pichhlay baras hi to
December k mahine main 
Tumhain baahoun main thaama tha..

Magar April aanay tak
Tumhari jheel si aankhon main
Naya sapna samaaya tha
Mere chotay say aangan main
Tumhain veh'shat si hoti thi

Mujhe tum nay bataaya tha
"Kisi ki qaid main rehna
Mujhay acha nahin lagta
Main ik aazaad panchhi hoon"

Suna hai phir say tanha ho tum

Kiyu har baat pe koste hain log december ko ??

Kiyu har baat pe koste hain log december ko ??
Kiya december ne kaha tha mohabbat karo !!

Kabhi jo toot ke barsa December,

Kabhi jo toot ke barsa December,
Laga apna, Bohat apna December,
Guzar jata hai sara saal yun to,
Nahin kat’ta magar tanha december,
Bhala barish say kia sairaab hoga,
Tumharay wasl ka piyasa december,
Woh kab bichra? Nahi ab yaad lekin,
Bus itna yaad hai ke tha December,
Jama poonji yehi hai umar bhar ki..
Meri tanhai aur Mera December!

Tum ao December ki shamon main !

Tum ao
December ki shamon main !


Itni dil aawaiz afsurdgi hai ke ji chahta hai
Kabhi kahin beth kar khub ji bhar ke roen !


Hawaon main yun choti choti badliyan
Tairti phir rahi hain.
Ke jese kisi yaad se dil min thandak ki
Ik leher si dour jae
Faza is qadar khubsurat hai jese
Koi dost betha hoa dost ko
Apne gham ki kahani sunae


Magar tum kahan ho? 
Tum aao !


Main bhi tumhen apne gham ki kahani sunaon !

Tum aao !
Hum bhi kahin beth kar 
Khoob je bhar k roen...

SUNO DECEMBER

Nayi hikayat mohabbaton ki
Shikayaton ki
Bujhe bujhe se haruf le kar
Kuhar min dubi siyahyon ko
Warq warq pe utarna
Udas shamon ke phool chun kar
Suno December
Ussey pukaro !
Ussey bulao !!
Suno December ! Ussey mila do
Ab is se pehle ke sans nikle
Ab is se pehle ke saal guzre
Wohi lakirein, wohi sitaara
Meri lakiron main qeid kar do
Ya aakhri shab ke aakhri pal
Koi bara ikhtitam kar do
Ye zindagi bhi tamaam kar do
Suno December ussey mila do..

Mohabbat ke december main

Mohabbat ke december main
Achanak jese tapta june aya hai
Tumhara khat nahi aya
Na hi koi phone aya hai
To kia tum kho gae, ajnabi chehron k jungle main?
Hamsafar mil gaya koi, kisi manzil, kisi pal main?
Ya muhabat k sunehre phool,
Chupke se kisi ne baandh daale ap k aanchal main?
Yaka-yak mor koi aa gaya chahat ki manzil main?
Khayal-e-wada-e-barbad bhi tum ko nahi aya?
To kia !

Main yaad bhi tum ko nahi aya ?

Tum mat aya karo...!!

December !!
Tum mat aya karo...!!


Suno ke..
Jab bhi tum aatay ho
Udasion ki andekhi
Barisho'n mai dil ko bhigo dete ho..
Tum atay ho to barfeeli si tanhaiyon ki
Sard hawa kaanton ki tarah Rag-e-Jan mai chubhnay lagti hain
Aur akelepan mai dukh jag kar
Neendon ko nigal jatay hain
Aur jo apne.
Judai ki dhund mai kho gaye hain
Hum se bohat door hogaye hain
Unki yaad phir se anay lagti hai
Suno December..

Tum mat aaya karo...

DECEMBER KI BARISH

Wo Jis'se Barish Pasand Na Thi !
Na Jane Kiyon..
Aaj Deir Tak Tanha
December Ki Barish Main..
Bheegta Raha...

December ab kay aao tou...

December ab kay aao tou...
Tum uss shehr-e-tamanna ki khabar laana...
Kay jis may jugnoo'n ki kehkashaain jhilmilaati hain
Jahan titlee kay rangoo'n sey fazaain muskuraati hain
Wahan chaaro'n taraf khushboo wafa ki hai
Aur uss ko jo bhi pouron sey Nazar sey chhoo gaya pal bhar
Mehek uthaa...


December ab kay aao tou...
Tum uss shehr-e-tamanna ki khabar laana...
Jahan per rait kay zarey sitaarey hain...
Gul-o-bulbul, maah-o- anjum wafa kay istiaarey hain...
Jahan dil woo samander hai , jiss kay kaee kinaarey hain...
Jahan qismat ki daive muthiyon mein jagmagaati hai...
Jahan dhakan ki lay per bey-khudi nagmein sunaati hai...


December hum sey na poocho...
hamaarey sheher ki baabat...
Yahan aankhoun mein guzrey kaarwaan ki gard thehri hai...
Labo'n per al-atsh hain, batan mein faaqey pinaptey hein...
Muhabbat barff jaisee hai yahaan Aur dhoop kay khaitoun mein ugti hai...
Yahan jab subah aati hai Tou shab kay saarey sapney Raakh kay aik dhair ki soorat mein dhaltey hein...
Yahan jazboun ki tooti kirchiyaan aankhoon mein chupbhti hain...
Yahan dil kay lahoo mein Apne Laikh'on ko dabo ker ham Sunehray khwaab buntey hein...
Phir unn khwaaboun mein jeetay hein...
Inhi khwaaboun pey martey hein...
Dareedah rooh ko lafzoon sey seena goo nahin mumkin...


Magar phir bhi December...
Ab ke aao Tou...
Tum uss shehr-e-tamanna ki khabar laana.