Tum Pass ho To Koi Dard Nhi,

Tum Pass ho To Koi Dard Nhi,

Tum Pass Nhi o Koi Dawa Nhi...!!!

Apnoun Ki Chahaton Ma Milawat Thi Is Qadar...

Apnoun Ki Chahaton Ma Milawat Thi Is Qadar...

Tang Aa Ky Dushmano Ko Manany Chala Gia...!!!

Jis Chaand Kay ho Itnay Chahny Waly...

Jis Chaand Kay ho Itnay Chahny Waly...

Wo Kia Samjay Ga Aik Sitary Ki Kami Ho...!!!

Kaza Ho Gay Hum Sey Sajday Saaray....

Kaza Ho Gay Hum Sey Sajday Saaray....

Ay Ishq Such Bata!!  Kahain Tu Kafir Tu Nahi ??...!!!

Ghar Ke Mitnay Ka Gham Tou Hota Hai,

Ghar Ke Mitnay Ka Gham Tou Hota Hai,
Apne Malbay Pe Kon Sota Hai, ???

Khushbuein Gair Tan Se Aati Hai,
Baazuoun Mein Mujhe Samota Hai,

Mere Dil ! Aansuoun Se Haath Utha,
Kaisi Baarish Se Zakham Dhota Hai,

Shaam Hotay Hee Meri Palkon Per,
Kon Ye Haar Sa Pirota Hai,

Raat Ke Bekaraan Andheray Mein,
Koi Jugnu Ki Neend Sota Hai...!!!

Wo to khushbu hai hawaon main bikhar jayega,

Wo to khushbu hai hawaon main bikhar jayega,
Masla phul ka hai phul kidhar jayega,

Ham to samjhe the k ek zakhm hai bhar jayega,
Kya khabar thi k rag-e-jan main utar jayega,

Wo hawaon ki tarah khanabajan phirta hai,
Ek jhonka hai jo ayega guzar jayega,

Wo jab ayega to phir us ki rafaqat k liye,
Mausam-e-gul mere angan main thahar jayega,

Akhir wo bhi kahin ret pe baithi hogi
Tera ye pyar bhi dariya hai utar jayega...!!!

Hoon To Khafa Us SE, Per Janay Phir B Kiyn…?

Hoon To Khafa Us SE,
Per Janay Phir B Kiyn…?

Na Chaah Kar Bhi Us Ko Chahna Acha Lagta Hai,
Haqeeqat Se Hoon Dhoor,

Ye Mujh Ko Hai Pata,
Per Jaan K Anjaan Rehna Acha Lagta Hai,

Qaayel Nahi Main Ronay Ki Phir B Kabhi Kabhi,
Tanhai Main Kuch Dair Rona Acha Lagta Hai,

Tu MERA Tha,
Tu MERA Hai,

Tu MERA Rahay Ga,
Kuch Pal Is Khawab Mein Khona Acha Lagta Hai...!!!

Nanhi larki, Sahil ke itne nazdeek,

Nanhi larki,
Sahil ke itne nazdeek,
Rait se apna ghar na bana,
Koi sarkash mauj idhar ayi,
to Tere ghar ki bunyadein tak beh jayen gi,
Aur phir un ki yaad mein tu,
Saari umar udaas rahe gi..

Humain khabar hai, Hawaa ka mizaaj rakhte ho,

Humain khabar hai, Hawaa ka mizaaj rakhte ho,
Magar yeh kya, ke zara dair ko rukey bhi nahin...!!!

Tash’khees Baja hai ke Mujhe ishq hua Hai,

Tash’khees Baja hai ke Mujhe ishq hua Hai,
Nus’khay mein Likho, Un se Mulakaat Musalsal...!!!

Teri khushbu ka pata karti hai,

Teri khushbu ka pata karti hai,
Mujh pe ehsan hawa karti hai,

Shab ki tanhai main ab to aksar,
Guftagu tujh se raha karti hai,

Dil ko us rah pe chalna hi nahin,
Jo mujhe tujh se juda karti hai,

Zindagi meri thi lekin ab to,
Tere kahne main raha karti hai,

Us ne dekha hi nahin warna ye ankh,
Dil ka ehwal kaha karti hai,

Beniyaz-e-kaf-e-dariya angusht,
Ret par nam likha karti hai,

Sham parte hi kisi shakhs ki yad,
Kucha-e-jan main sada karti hai,

Mujh se bhi us ka hai waisa hi sAlok,
Hal jo tera ana??? Karti hai,

Dukh hua karta hai kuch aur bayan,
Bat kuch aur hua karti hai,

Abr barse to inayat us ki,
Shakh to sirf dua karti hai,

Masla jab bhi utha chiragon ka,
Faisala sirf hawa karti hai...!!!

ZARA SOCHO

Hum Tasleem Kartey Hain,
Humain Fursat Nahi Milti,
"Magar"
Ye Bhi Zara Socho,
Tumhain Jab Yaad Kartey Hain,
Zamana Bhool Jatey Hain...!!!

Abr-e-bahaar ne, phool ka chehra,

Abr-e-bahaar ne,
phool ka chehra,
Apne banafshi hath mein le ker,
Aese chooma,
Phool ke sarey dukh,
Khushbu ban kar beh nikle...!!!

Meri talab tha aik shakhs woh jo nahin mila tou phir,

Meri talab tha aik shakhs woh jo nahin mila tou phir,
Hath dua se yoon gira, Bhool geya sawaal bhi...!!!

Mujhe teri mohabbat ne ajab ik roshni baskhshi,

Mujhe teri mohabbat ne ajab ik roshni baskhshi,
Mein is dunya ko ab pehle se behter dekh sakti hoon...!!!

Gaye baras ki eid ka din kya acha tha,

Gaye baras ki eid ka din kya acha tha,
chaand ko dekh ke uskaa chehra dekha tha,

Fazaa mein cactus ke lehjey ki nermahat thi,
mausam apne rang mein faiz ka missraah tha,

Dua ke be-awaz, ulohi lamhon mein,
woh lamhaa bhi kitna dilkashh lamha tha,

Haath utha ker jab Aankhoon hi aankhon mein,
us ne mujh ko apne Rab se mangaa tha,

Phir mere chehre ko haathon mein le ker
kitney pyar se mera maatha chooma tha,

Hawa! kuch aj ki shab ka ahwaal suna,
kya woh apni chat per aj akela tha?,

Ya koi mere jeisi saath thi, aur uss ne,
chand ko dekh ke us ka chehra dekhaa tha...!!!

Andheri raaton ke tanhaa musafiron ke liye,

 

Andheri raaton ke tanhaa musafiron ke liye,

Diyaa jalata hua koi saaz o rakht na tha...!!!

Mujhe ab farq nahin parta, december ke beet janey ka,

Mujhe ab farq nahin parta, december ke beet janey ka,
Udaasi meri fitrat hai, isey mausam se kya matlab...!!!

Dua to jane kon si thi,

Dua to jane kon si thi,
Zehen mein nahin,
Bas itna yaad hai,
Ke do hatheliyan mili huyi thi,
Jin mein ek meri thi,
Aur ik tumhari...!!!

Raat chupke se december ne yeh sargoshi ki,

Raat chupke se december ne yeh sargoshi ki,
Phir se ik bar rulaa doon tujhe jatey jatey...!!!

Jata’aa Jata’aa Ke Mohabbat, Dikha Dikha Ke Khuloos

Jata’aa Jata’aa Ke Mohabbat, Dikha Dikha Ke Khuloos,
Bohat Qareeb Se Loota Hay Mere Doston Ne Mujhey..!!!

Zamaana dost hai sara kis kis ko yad rakho ge,,

Zamaana dost hai sara kis kis ko yad rakho ge,,

Khudaa karey ke tumhe mujhse dushmani ho jaye...!!!

Bari Mushkil se Sulaaya tha Khud Ko FARAZ Main ne Aaj...!

Bari Mushkil se Sulaaya tha Khud Ko FARAZ Main ne Aaj...!
Apni Aaankon Ko Tare Khuwaab Ka Laalach Day Ker.....!

Bas KHatam Kar Ye Bazi Ishq-e-Ghali

Bas KHatam Kar Ye Bazi Ishq-e-Ghalib,

Muqadar Ky Haary Kabi Jeta Ni Karty...!!!

Sakoon k Din Sy Furaghat Ki Rat Sy B Gaye,

Sakoon k Din Sy Furaghat Ki Rat Sy B Gaye,
Tujhy Ganwa K Bharri Kainaat Sy Bi Gaye,

Juda Huwy The Mgr Dil Kabhi Na Toota Tha,
Khafa Huwy To Tery iltfat Sy Bi Gaye,

Chaly To Neel Ki Gehraiya'n Theen Ankh0n Mein,
Palat K Aaye T0 M0j-E-Furaat Sy Bi Gaye,

Khayal Tha K Tujhy Pa K Khud Ko Dhoonden Gay,
Tu Mil Gaya Hy To Khud Apni Zat Sy Bi Gaye,

Bichar K Khat B Na Likhy Udas Yaron Ny,
Kabi Kabi Ki Adhoori Si Bat Sy Bi Gaye,

W0 Shakh Shakh Lachakty Huwy Badan ""MOHSIN,"!
Mujhy To Mil Na Saky Tery Hath Sy Bi Gaye...!!!

Yaad_e_Mazi Mai Jo Ankhon Ko Saza Di Jaye,

Yaad_e_Mazi Mai Jo Ankhon Ko Saza Di Jaye,
Is Say Behtar Hai Kay Har Baat Bhula Di Jaye,

Main nay Apno Kay Rawayon Say Ye Mehsoos Kiya,
Dil Kay Angan Mai Bhi Dewaar Utha Di Jaye,

Mai Nay Yaroon Kay Bhicharne Say Ye Seekha “MOHSIN”,
Apne Dushman Ko Bhi Jeene Ki Dua Di Jaye...!!!

Junoon Main Shauq Ki Gehraiyon Se Darta Raha,

Junoon Main Shauq Ki Gehraiyon Se Darta Raha,
Main Apni ZaaT Ki Sachaiyon Se Darta Raha,

Mohabton Se Shanasa Huwa Main Jis Din Se,
Phir Us K Baad Shanasaiyon Se Darta Raha,

Wo Chahta Tha K Tanha Miloon To Baat Kre,
Main Kya Krun K Main Tanhaiyon Se Darta Raha,

Mein Regzaar Tha Mujh Main Basay Thay Sanaatay,
Isi Liye To Main Shehnaiyon Se Darta Raha,

Main Apne Baap Ka Yousuf Tha is Liye Mohsin,
Sakoon Se So Na Saka Bhaiyon Se Darta Raha...!!!

Chalo Mohsin Mohabbat Ke Nai Bunyad Rakhtay Hain,

Chalo Mohsin Mohabbat Ke Nai Bunyad Rakhtay Hain,
Khud Paband Rahtay Hain, Usay Azad Rakhtay Hain,

Hamaray Khoon Main Rab Ne Yahe Taseer Rakhi Ha,
Burai Bhol Jatay Hain Achai Yaad Rakhtay Hain,

Mohabat Main Kaheen Ham Se Gustakhi Na Ho Jae,
Ham Apna Har Qadam Us K Qadam K Baad Rakhtay Hain...!!!

Wo Bhi Kya Din The K Pal Main Kr Diya Krty The Hum,

Wo Bhi Kya Din The K Pal Main Kr Diya Krty The Hum,
Umr Bhar Ki Chahtain Hr Ek Harjai k Naam,

Ab Ke Woh Rut Hai Ke Her Taza Qayamat Ka Azaab,
Apney Dil Mein Jagtey Zakhmon Ki Gahraye Ke Naaam,,

Ab Ke Apney Ansoaon Ke Sub Shikista Ayeney,
Kuch Zamaney Ke LIye, Kuch Apni Tanhai Ke Naam...!!!

Us ki aankhon ko kabhi Ghaur Se dekha hai Faraz

Us ki aankhon ko kabhi Ghaur Se dekha hai Faraz,
Roney walon ki Taraaah Jaagney Waalon Jesi..

Is Qadar Musalsal Theen Shiddatain Judayi Ki,

Is Qadar Musalsal Theen Shiddatain Judayi Ki,
Aaj Pheli Baar Os Se Mein Ne Bewafaayi Ki,

Warna Ab Talak Yun Tha Khwahishon Ki Barish Mein,
Ya Tou Toot Kar Roya Ya Ghazal Saraayi Ki,

Taj Dia Tha Kal Jin Ko Ham Ne Teri Chaahat Mein,
Aaj Un Se Majbooran Taaza Aashnaayi Ki,

Ho Chala Tha Jab Bhi Mujh Ko Ikhtilaaf Apnay Aap Se,
TU Ne Kis Gharri Zaalim Meri Hamnawaayi Ki, ?

Tark Kar Chukay Qaasid Ko-e-Na-Muraada.n Ko,
Kon Ab Khabar Laaway Sheher-e-Aashnaayi Ki, ?

Tanz-o-Taana-o-Tohmat Sab Hunar Hain Na Siha Ke,
Aap Se Koi Poochay Ham Ne Kia Buraayi Ki ,?

Phir Qafas Mein Shor Utha Qaidyon Ka Aur Sayyaad,
Dekhna Urra De Ga Phir Khabar Rihaayi Ki,

Dukh Howa Jab Os Dar Pe Kal “Faraz” Ko Dekha,
Laakh Aib Thay Os Mein Khuu Na Thi Gadaayi Ki...!!!

Ab Ke Rut Badli Tou Khushbu Ka Safar Dekhay Ga Kon ?

Ab Ke Rut Badli Tou Khushbu Ka Safar Dekhay Ga Kon,
Zakham Phoolon Ki Tarah Mehkain Gain Per Dekhay Ga Kon,?

Dekhna Sab Raqs-e-Bismil Mein Magan Ho Jayein Ge,
Jis Taraf Se Teer Aaye Ga Udher Dekhay Ga Kon ,?

Zakham Jitnay Bhi Thay Sab Mansoob Qaatil Se Howay,
Teray Haathon Ke Nishaa.n Ay Chaarahgar Dekhay Ga Kon, ?

Wo Hawas Ho Ya Wafa Ho Baat Mehroomi Ki Hai,
Loog Tou Phal Phool Dekhain Ge Shajar Dekhay Ga Kon, ?

Har Koi Apni Hawaa Mein Mast Phirta Hai “Faraz,”
Sheher-e-Na-Pursaan Mein Teri Chashm-e-Tar Dekhay Ga Kon...!!! ?

Tum Rouh ban gey ho tumen kese mai bhulaiy, "

Tum Rouh ban gey ho tumen kese mai bhulaiy, " 
Tuje bhoolny ka sochu to Jan Se May Jaou...!!!

Shajar Ke Haath Mein Ek Zard Phool Baaqi Hai,

Shajar Ke Haath Mein Ek Zard Phool Baaqi Hai,
Abhi Libaas-e-Musaafir Pe Dhool Baaqi Hai,

Mere Qabeelay Mein Niklay Subhi Farokhtni,
Na Koi Waada Na Koi Usool Baaqi Hai,

Duroon-e-Sheher Gulaabon Ki Baa’r Khatam Howi,
Kinaaray Sheher Puraani Babool Baaqi Hai,

Hawa-e-Sheher-e-Sitam Ko Abhi Pata Na Chalay,
Mere Dupattay Mein Ik Surkh Phool Baaqi Hai...!!!

Nazar Ke Samne Jo Chehra Tha Wo Khwab Jesa Tha,

Nazar Ke Samne Jo Chehra Tha Wo Khwab Jesa Tha,
Wo Kese Muj Me Samata Jo Sirab Jesa Tha,

Wo Meri Raton Ki Tanhyon Mai Yun Bikhar Jata,
Mere Badan Ko Jo Jlata Tha Wo Aftab Jesa Tha,

Lafz Honton Pe Yun Machalte Ragni Ki Tarah,
Aur Wo Khanknata Lehja Us Ka Rubab Jesa Tha,

Wafa K Naam Pe Roshan Chiragh Tu Buj Hi Gya,
Chamkati Jbain Pe Wo Sitara Gulab Jesa Tha,

Thi Roshni Jis Se Mere Shehr Ki Galyon Mai
Aur Wo Chehra Masal Sukhn Mahtab Jesa Tha...!!!

Toti hai meri Neend Mgar tum ko es sy kya,

Toti hai meri Neend Mgar tum ko es sy kya,
Bajty rahein hawaoon say dar tum ko es sy kya,

Tum moj moj Misl-e-Saba Ghoomty raho,
Kat jaen meri soch k par, tum ko es sy kya,

Oron ka hath thamo, unhen rasta dikhao,
Mein bhul jaoon apna hi ghar, tum ko es sy kya,

Lay jaein Mujhay Mal-e-Ganeemat k sath adouu
Tum nay to daal di hai sapar, tum ko es sy kya,

Tum nay to thak k dasht mein khaimay laga liyee,
tanha kattay kisi ka safar,tum ko es sy kya...!!!

Wo roz dekhta hai dubtay huay suraj ko faraz,

Wo roz dekhta hai dubtay huay suraj ko faraz,
Kash mai b kisi shaam ka manzir hota...!!!

Main us k Haathon me tha,

Main us k Haathon me tha,
Tute hue Sheeshe ki trha "Faraz",
Bari Umeed thi k bikhrne nhi dega,
Bus giraya kuch is Ada se k, 
Simatne ki Aaas hi na rahi...!!!

Kis ki Kya majal thi jo koi Hum ko kharid sakta Faraz,

Kis ki Kya majal thi jo koi Hum ko kharid sakta Faraz,

Hum to khud hi Bik gaey kharidar dekh k"...!!!

Hum un say millay to khuch keh na sakay "faraz",

Hum un say millay to khuch keh na sakay "faraz",
khushi itni they k mulaqat ansoo ponchtay he guzar gai...!!!

Koi Montazir Hai Us Ka Kitne Sheddet Se Faraz,

Koi Montazir Hai Us Ka Kitne Sheddet Se Faraz,
Wo Janta Hai Magar Anjan Bana Rehta hai...!!! 

Yeh Mohabbat bhi hai kia Rog 'Faraz',

Yeh Mohabbat bhi hai kia Rog 'Faraz',
Jisko bhoolay wo sada yaad aaya...!!!!

Sheher ko teri justaju hai bohat,

Sheher ko teri justaju hai bohat,
In dinon hum pe guftagu hai bohat,

Jab se parvaaz ke shareek miley,
Ghar bananey ki aarzoo hai bohat,

Dard reh reh ke sar uthaata hai,
Kabhi kam ho gaya, Kabhi hai bohat,

Kuch tou woh yaad bhi bohat aya,
Kuch in ankhon mein bhi lahu hai bohat,

Peeney wali aankh hai darkaar,
Aankh ko chaand ka sabuu hai bohat...!!!

Charaagh-e-Raah Bujha Kia, Ke Rehnumaa Bhi Gaya,

Charaagh-e-Raah Bujha Kia, Ke Rehnumaa Bhi Gaya,
Hawa Ke Saath Musaafir Ka Naqsh-e-Paa Bhee Gaya,

Mein Phool Chunti Rahee Aur Mujhe Khabar Na Howi,
Wo Shakhs Aa Ke Mere Sheher Se Chala Bhee Gaya,

Bohat Azeez Sahee Osko Meri Dildaari,
Magar Ye Hai Ke Kubhi Dil Mera Dukha Bhee Gaya,

Ab Un Dareechon Pe Gehray Dabaiz Parday Hain,
Wo Taank Jhaank Ka Masoom Silsila Bhee Gaya,

Sab Aaye Meri Ayaadat Ko, Wo Bhee Aaya Tha,
Jo Sab Gaye Tou Mera Dard Aashna Bhee Gaya,

Ye Ghurbatain Meri Aankhon Mein Kaisi Utri Hain,
Ke Khwaab Bhee Mere Rukhsat Hain, Ratjaga Bhee Gaya…!!!

Kya Baat Hai Jis Ka Gham Bohat Hai,

Kya Baat Hai Jis Ka Gham Bohat Hai,
Kuch Din Se Yeh Aankh Nam Bohat Hai,

Mil Leta Hai Guftugu Ki Had Tak,
Itna Hee Tera Karam Bohat Hai,

Ghar Aap Hi Jagmaga Uthe Ga,
Dehleez Pe Ik Qadam Bohat Hai,

Mil Jaye Agar Teri Rafaqat,
Mujh Ko Tou Yehi Janam Bohat Hai,

Kya Shab Se Humein Sawaal Karna,
Hona Tera Subha Dam Bohat Hai,

Kyon Bujhne Lage Chiraagh Mere,
Ab Ke To Hawa Bhi Kam Bohat Hai,

Chup Kyon Tujhe Lag Gayi Hai Parveen,
Sunte They Ke Tujh Mein Ram Bohat Ha...!!!