Humare haal pe roya December
Wo dekho toot k barsa December
Guzar jata hai sara saal youn tou
Nahi kat’ta magar tanha December
Bhala barish se kia sairaab hoga
Tumhare wasal ka piyasa December
Wo kab bichra, nahi ab yaad lekin
Bas itna ilm hai ke tha December
Youn palken bheegti rehti hain aise
Meri aankhon main aa thehra December
Jama poonji yehi hai umar bhar ki
Meri tanhai aur mera December
No comments:
Post a Comment